★Wing★

今日放工後約左Jamie & Suki (比廖小姐放飛機)去”香工”買衫,買左2件T-Shirt.3件襯衫,1個袋.嘩~好多人呀嗰到,行到腳仔軟呀~

夜晚食完野,亞哥亞嫂落左黎玩wii,玩左保齡,棒球,tennis, golf…玩完之後手都軟呀~

好攰呀~腳又軟,手又軟...

頭先睇左"東華",基仔同何韻詩表演拉台布,嘩~勁呀~拉左咁多張都無失手呀~

今晚去左會展睇基仔”新城唱好古巨基夢想共和”, 個show 8點開始, 但係我地8點食完野先行過去,行到過去都仲係好多人入緊場,我地差不多8點半先入到去,一座底就開場(啱啱好),嘉賓方面有:方力申,鄭融,王菀之,EO2,張繼聰.雖然個位唔近個台,但個show成個氣氛好好,好多人都攞住Pong Bong棒打拍子.好投入,好好feel.睇到差不多10點半就散場.呢個show既主題係有關夢想,我既夢想其實係好簡單,就係將來有個幸福既家庭..唔知幾時可以夢想成真?

今日亞Ling比左2張 ”新城唱好古巨基夢想共和音樂會” 既飛我~好多謝你呀~亞Ling~原本我前幾日喺.cc登記左攞飛,但攞唔到~而家竟然有得去,實在太開心啦~好野,聽日可以睇基仔,希望可以準時收工啦~

今日放左工就去左Esther既婚禮,我同亞Ling放左工就約埋Pauline, Fanny(佢帶埋亞B仔)&亞Ling男朋友喺樂富等就一齊去.今次係我第2次去教堂觀禮,上一次係契哥結婚既時候,不過今次有d唔同,因為今次既教堂係好現代,外表唔係一般一座矮小既教堂,而係一座幾新式既building入面既小禮堂,入面都好大好靚.氣氛好好,希望佢地永遠幸福快樂啦~



去完觀禮後就同Pauline, Fanny & B仔去食野,見到d BB真係好開心,因為佢地實在太得意啦~表情多多,好攪笑.



之後就去join埋屋企人去奧海城食飯&影下聖誕燈飾.但係無乜好影...

前幾日亞哥攞左我部腦上佢屋企整,尋晚攞返落黎,終於可以上網同埋過基仔隻新碟落ipod到~

痛い。。。痛い。。。

呀~我隻耳又痛啦……>~<今日請左半日假去睇醫生,唉~上次睇嗰個醫生竟然放左假要9月8號先返(等得佢我隻耳都聾左lu~),播道門診又無左~唯有去播道醫院睇,睇完之後隻耳已痛架啦~個荷包仲痛…成千蚊~…超痛い…

隻耳”聞”左好辛苦呀~我唔想”聞”住咁去旅行呀~~~~~~~~~~希望快d好返啦~

好緊張呀~仲有5日~